麥明詩峰頭躉　寸嘴Ada冇癮

十二位《2015香港小姐競選》佳麗，昨日在東京目黑區中根的Noah Studio進行舞蹈訓練，並為稍後拍攝香港小姐主題曲MV排舞。大會安排三位舞蹈老師Rui、Hikaru、Yuki教導佳麗們基本舞步及強化她們的音樂節奏感。

當中「高挑Charlie」(1)麥明詩（Louisa）和「寸嘴Ada」(4)龐卓欣由香港鬥到日本，今回Louisa先贏一仗。Louisa悉心挑選無袖恤衫上陣，衫尾更束了蝴蝶結來露腰點綴，非常養眼。熱身時她已表現霸氣，一字壓腿、拉筋再配合瑜伽高難度動作盡晒功架。到正式埋位時更表現投入，進入忘我狀態，猶如專業舞蹈員，期間不慎露出「波邊」、洩露shocking pink Bra亦在所不計，相當專業。到下午排戲時亦獲藝人許廷鏗開腔大讚演技，她演出時亦同樣七情上面，動作之大令她再露Bra，令她成為東京之旅首天的風頭躉。

對戲時，麥明詩（右）七情上面，非常投入。	春光乍洩	「翻版朱晨麗」陳靜儀穿露腰裝跳舞，表現奔放。

自認厚臉皮

同場「翻版朱晨麗」(10)陳靜儀亦不遑多讓，她全程表現落力甚至露出了南半球「波底」依然未有影響其舞步，更被導師開腔讚她跳得有水準。而「寸嘴Ada」龐卓欣相比下明顯大幅跌watt，熱身時已表現一般，眼見Louisa的霸氣，自己亦不禁露出不是味兒的表情。

麥明詩不僅是「十優狀元」，連一字馬也難不倒她。	表現投入的麥明詩（左）扭pat熱舞。	「寸嘴Ada」龐卓欣表現比宿敵麥明詩遜色，甚為冇癮。

事後Louisa透露七、八歲時已學芭蕾舞，大學時亦有跳Tango，她說：「我覺得跳舞可以表現自我。（你跳得好投入。）係呀，可能我厚臉皮啩，跳舞可以釋放到自己。（你走光喎！）唔好意思，我會注意多啲。」會否教導其他跳得較差的佳麗？她說：「自己記性比較好，都有提其他佳麗啲舞步。老師有話4號Ada同7號Sylvia都跳得好。其實我同Ada都跳過班際比賽，佢都好出色嘅。」

自戀Ada掛住望鏡

Ada相比下較失色，但整體亦總算不錯，她透露由細到大都有跳芭蕾舞，並晒冷說：「我以前喺香港兒童合唱團表演過，所以跳舞都好上手。（要改進？）Louisa真係跳得最好。導師叫我唔好成日望鏡喎，其實可能少少自戀啩，好鍾意照鏡。」而陳靜儀表現尚好，坦言曾上過兩堂K-POP舞課堂，所以對跳舞有信心。