吳若希臨陣退賽 莊思敏擊鼓出征
吳若希（Jinny）昨日原本以龍舟鼓手身份代表「TVB龍舟隊」出戰，豈料因賽程問題，加上她有工作在身被迫提早離場，臨時交由莊思敏接棒。林盛斌（Bob）就大呻被領隊嫌重，會拖慢龍舟速度，無緣為無綫參賽。
吳若希、莊思敏及林盛斌等昨聯同「TVB龍舟隊」隊員陳國峰、林師傑和羅鈞滿等齊在沙田出席《乙未年沙田龍舟競渡》「無綫盃—中龍混合邀請賽」。原本任鼓手的Jinny，因有工作在身，加上賽程編排關係，就算做好熱身都被迫提早離開，由莊思敏頂上。
獲「金句」問候
Jinny表示小學三年級已做過龍舟鼓手，但尷尬說今次沒特別練過。問有否睇中龍舟猛男？她指不少健兒都好熱情：「好多龍舟隊隊員都走埋嚟，大家都嗌番我啲金句，例如『點解嘅』同『好打耳』！」臨時上陣的莊思敏表示體能應付到：「嚟緊都會做啲體能訓練，因為有套新片，拍完呢套戲下年再參加應該OK。」
Bob頭拮30針
到場打氣的Bob直言想落場：「領隊同我講，我上陣隻龍舟會重咗，拖慢速度，所以唔好喇，因為好大機會贏。」在微博晒針灸相的Bob聲沙沙指自己操勞過度、煙酒過多導致聲帶發炎，要出動西醫、中醫和針灸三料治病：「淨係個頭都針30針！加埋睇咗兩、三萬蚊醫生。」他日前為完成司儀工作，明知傷身都打類固醇開聲，認真搏命。
另外，Jinny之後趕住出席父親節活動，她在台上表示爸爸今天生日，故發動觀眾唱生日歌給爸爸並拍片留念。談到公公最近過世，她哽咽謂已接受事實，媽媽亦比她想像中堅強。
文：影視組