香香怕咀洪永城：寧願畀人摑
無綫藝員洪永城、岑麗香、劉佩玥、姚子羚、單立文等昨日在將軍澳電視城為葉鎮輝監製的新劇《實習天使》試造型。劇中洪永城飾演「魔鬼教官」經常板着面孔笑言要「虐待」學護，跟平時嘻皮笑臉的他性格相反，他笑說：「角色都好沉，對學護好苛刻，監製都叫我要收起笑容、木口木面就啱，諗起有得鬧人都有啲興奮，心理真係有啲變態。」
對唔住唐詩詠
問洪永城會否未能抽離角色，對着緋聞女友唐詩詠也黑面？他笑說：「可能拍戲會自然入咗戲，咁預先同佢講聲對唔住，自己都學習緊抽離角色，唔係太沉重。」
洪永城繼頂替黃浩然拍攝《張保仔》後，再執二灘接替辭演的吳卓羲擔正新劇《實習天使》的男主角，他表示沒有不快：「自己立場嚟講冇話執二攤，最緊要係畀我嘅係好角色，自己會做好角色。」
認怕醜壓力大
香香在劇中飾演學護與洪永城有感情線，問到可要與洪永城咀嘴，香香說：「未知，希望唔使，如果要就借位拍攝啦，自己怕醜，拍咀戲壓力好大，拍畀人掌摑嘅戲仲容易過拍咀戲，我寧願畀人摑喇。」
文：影視組