牛扒配紅酒李曼筠真識食

「動漫Maggie」李曼筠表示一向有參與拍攝旅遊飲食節目和撰寫飲食部落格，她揚言自己閒時喜歡以食會友，並樂在其中續說：「我本身真係咩都鍾意食，今次專誠嚟呢間環境唔錯嘅餐廳試吓肉眼牛扒，再試埋個意粉，兩樣都好好食，令人回味無窮！」她續一本正經稱吃牛扒時必須配上紅酒，此乃天作之合：「美酒佳餚總不能分開，所以我鍾意唔同嘅嘢食配唔同嘅酒，等兩者發揮一種互相輝映嘅化學作用，就算係屋企整嘢食都會開番支酒嚟品嘗，更能帶出食物味道。」