喺好多人眼中，火辣同純情好難共冶一爐。不過現實並非如此，事關喺內地人氣嫩模羽住身上，不但盡展呢種矛盾嘅特性，更憑此令呢位出道不過兩年多嘅模特兒，火速紅遍寫真界，將男士迷倒喺呢種相當特別，又令人難以抗拒嘅魅力之下。
喺現今內地嫩模界中，以敢露形象示人嘅模特兒有好多，只係講到敢露得嚟又外形純情嘅嫩模卻唔係好多，加上D罩杯嘅上圍，難怪呢位嫩模羽住，喺2013年3月以19歲之齡成為網絡模特紅人之餘，更獲得新一代嫩模嘅稱號。英文名Toro嘅佢出生於湖南長沙，據佢講自細身材已經係咁玲瓏浮凸，故此早有成為模特兒嘅夢想，因此早喺成名前一年，亦即係佢18歲時已經開始從事模特兒工作。事實上，佢亦冇諗過自己一輯火辣寫真會喺網絡爆紅，更吸引大量粉絲成為佢微博追隨者。不過講到佢嘅代表作，則莫過於喺同年10月所拍攝嘅一輯寫真，首次以半裸造型示人嘅佢，若隱若現嘅美乳加上一覽無遺嘅美股，成為當時嘅網絡熱話。
作為網絡紅人，兼且有女神稱號，羽住憑住嘅係純真外表及大膽演出，正正係呢種唔相稱嘅表現，令佢成為大家嘅焦點。不過真正嘅佢係咪又係咁自相矛盾嘅人嚟呢？現實生活中嘅佢不但係個可愛又坦率嘅女仔，更鍾意喺網上同大家撒嬌，譬如早前佢得悉有人話佢太瘦時，佢就大發嬌嗔話要食肥自己到140斤重後嚇嚇大家，又例如佢買咗部手機試用幾日後，坦言唔係咁鍾意用，一啲都唔擔心會被人話佢大使。正正係呢種性格，令佢睇起嚟更加有親和力，就算唔係佢嘅粉絲，都會畀佢呢種真性情所打動。不過如果想睇到佢更加大膽嘅寫真，可能會令大家失望。因為據佢講之前嘅作品雖然出嚟嘅效果唔錯，但露出度太大，短期內唔會再試。
外形極度吸引嘅羽住，雖然近排冇乜新寫真推出，但仍經常喺個人微博上透露近況，好似早前佢就話生活太辛苦，早知唔好下凡間咁話。其實工作多咪幾好，最好就係影多啲火辣寫真，咁先至可以滿足到粉絲嘅渴望嘛！
網址：www.weibo.com/weustoro
出生地：湖南長沙
身高：158cm
三圍：33、24、34
撰文：魂