Coffee落疊教光豬瑜伽

藝人王宗堯前晚聯同拍檔張建聲、Coffee林芊妤、張松枝等到旺角戲院出席電影《壹獄壹世界》謝票活動，一干人等突然殺入戲院，即時掀起哄動，不少觀眾更乘機向偶像集郵！

張建聲會找數

提到票房時，宗堯非常有信心地說：「目標係希望破二千萬，因為一部正常港產片，口碑同票房都好，二千萬係一個入門位，二千萬以上就係bouns。（回饋觀眾？）之前張建聲話會操肌除衫畀大家睇，我會陪佢，一齊去游水，若果到四千萬嘅，我哋會去裸泳！（女演員會陪裸？）唔好犧牲佢哋嘞，佢哋要嫁人。」張建聲亦揚言定會「找數」。

一眾演員突然現身謝票，令觀眾驚喜！

王宗堯向在場觀眾派發海報。

不過，張建聲沒有放過前晚出席的唯一女將Coffee，叫她加入「裸泳」，Coffee說：「如果你哋裸泳，我陪你哋『攞』泳！幫你哋『攞』住啲衫，我喺隔籬教瑜伽，外國好興裸體瑜伽！（你做導師？）好呀！（你話好？）考慮吓，下一題！」張建聲還即時打趣叫網友投票支持Coffee「裸」出勇氣，令她尷尬地以笑遮醜。

支持本土製作

張建聲對電影的票房充滿信心，不過他希望有更多觀眾入場支持，並說：「因為我哋真係好畀心機去拍，香港人真係要幫幫手，撐吓啲本地嘢，如果部戲真係唔得嘅，我都唔會咁樣嚟宣傳，唔會走去坐七十二個鐘頭監叫你哋入場。」

文：影視組