十四巴港男「入冊」思考

藝人張建聲昨日到旺角迎接電影《壹獄壹世界》「實況體驗踎監有錢派」參賽者陳梓瑩刑滿七日「出獄」，並送另一位參賽者趙詠明「入冊」。張建聲坦言亦有聽聞他的事迹，笑言想問他的心態如何。身形回復健碩的張建聲，表示稍後會脫衣為減肥食品拍攝廣告，現要積極keep fit，問到是否賺了許多，他說：「其實真係好辛苦o架。」

出嚟預咗人講

「入冊」的趙詠明曾被女友當街摑十四巴而「成名」，故有「十四巴港男」之稱，他表示希望挑戰七天「踎監」拿兩萬元，並已向任職的運輸公司請假，他否認參加活動是為錢，但說：「個個生出嚟都係貪錢o架啦，但我唔係志在錢，係想畀時間自己諗吓嘢。」重提當日被女友掌摑一事，他說：「依家2015年嘞，講我唔會痛。你講當係欣賞我，我仲會笑添。出得嚟預咗人講難聽說話，做人唔可以原地踏步。」

右起：張建聲送趙詠明「入冊」，接陳梓瑩「出監」。	趙詠明曾當街被摑，網上哄動。	趙詠明請假去「踎監」，表示志不在錢。

已同女友分手

趙詠明又表示與女友已分手一年多，問到是否怕又再被掌摑，他說：「唔係，唔啱咪分手囉。（你提出？）梗係，各有各生活。（會揀文靜女友？）遇到啱便會進取，唔拍拖唔會死。（想入娛樂圈？）冇諗，但人唔會知下一秒嘅事。」對於其孖生哥哥曾犯事入獄，他指哥哥已獲釋，「人誰無過，錯亦不代表一世。」另外，剛出獄的陳梓瑩表示所得的兩萬元會請朋友睇《壹》片、交保險費再給母親。

文：影視組