鄧愛嘉plan定生猴B

名人鄧永鏘愛女鄧愛嘉（Victoria）前晚連踩兩場，她先單拖出席香檳活動，再與英國律師老公Christopher Owen一同出席首飾活動。去年底結婚的她，笑言不太習慣新婚生活，但即使自己工作再忙，仍堅持下班後親自下廚。

生三個好照顧

問Victoria有否被長輩催生小朋友？她表示父親並沒有催促，母親卻有：「佢（媽咪）話再等佢就冇力抱孫，依家都可以湊吓。不過未得住，我想生猴B，唔想生羊B，因為猴同我同老公嘅生肖夾啲。（同老公有共識？）佢唔理，生就生，不過我顧呢啲小細節。（想生仔定女？）冇所謂，一樣。女就有我啲靚衫，仔就可以同老公踢波。（想生幾多個？）希望生兩、三個，到我老咗都有人照顧。」

周秀娜即將卅歲，她希望幸福地收到鑽石。

郭志怡下月將舉家歐遊一個月。

娜姐等「幸福」

出席首飾活動的周秀娜，佩戴二千萬鑽飾，下周五（22日）三十歲生日的娜姐，透露正考慮買鑽石給自己作為生日禮物，但同時亦希望有人送給她。問她想誰送？娜姐說：「買畀自己開心，有人送就幸福。（有人送十六卡鑽石敢唔敢收？）太珍貴，要諗諗先。（怕人哋有目的？）希望自己買得起。（踏入三十歲，有冇特別感覺？）又冇，係另一個階段嘅開始。」而出席香檳活動的名媛郭志怡，下月將與家人歐遊一個月，因很多朋友移居外地，她特別珍惜跟朋友相處的時間。

文：名人組