徐子珊倒吊 紅底再現

子珊在劇集《以和為貴》中的一場墮樓戲，犧牲紅色「內在美」任人睇。

劇情講述徐子珊與朱千雪爭吵期間不慎失足墮樓，幸獲馬德鐘等人及時抓住，但身穿短裙的子珊倒吊時大幅度走光，幾乎露出整件紅色底褲，身陷危機的她卻不顧性命，只關心自己被「睇蝕」，相當搞笑！

翻2008年瘀事

劇集出街後，引來不少劇迷CAP圖討論。對於被指替身上陣，子珊表示：「真身上陣o架！當時拍得好辛苦，吊威吔倒吊咗半個鐘，搞到眼同面啲微絲血管爆晒。請佢哋放低我抖吓，跟住又要再吊。（做足安全措施？）事前都知有場咁嘅戲，當然安全至上，仲打定好多層底防走光！」有眼尖的粉絲發現子珊已非首次「見紅」，更翻出她於2008年出席奧運聖火活動時，遇怪風不慎走光相片。子珊得悉後笑言：「都係巧合啫。（都係紅色？）喜劇效果，紅色搶眼嘛。」

有眼利的網民發現子珊已非首次「見紅」。

真身上陣的子珊，拍攝時慘被倒吊半小時。

文：影視組