資深藝人薛家燕昨日到城市大學出席陶藝展，她透露日前在澳門拍攝《十月初五的月光》電影版，狂食致增磅。提到她爆唐文龍多年前曾追求佘詩曼後，對方尷尬得缺席慶功宴，家燕姐說：「佢係怕醜啲，但好似係趕返北京出席首映咋！（佢嬲咗你？）唔會！（佢真係追過阿佘？）當時男未婚女未嫁，有過交流嘅『儀式』咁啦！最近文龍學緊易經，睇命盤幾準，我講笑問佢自己桃花盤點。（支持佢追多次阿佘？）梗係啦！有咩所謂？但阿佘唔知o架！」
