君如錫住老竇：算罷啦！

藝人吳君如昨日以評審身份到旺角出席第39屆香港國際電影節「頒獎禮之夜」，君如爸爸夏春秋（冬叔）由麗的到亞視一生効力一間電視台，面對亞視被通訊局「釘牌」，君如表示：「老竇當然好黯然，佢仲係邱德根先生治喪委員會成員，一輩子効力一間電視台，依加突然間冇咗，我都同佢講要向前看。冬叔雖然同亞視冇約好耐，但就同亞視好有感情，成日同啲朋友敍舊。（冬叔有冇唔開心？） 佢都好樂觀嘅，雖然84歲，但仲想話再創一番事業，我就同佢講算罷啦，唔想你操勞，叫佢唔好再拍電視劇，我養你啦。」君如自己對亞視被「釘牌」也感唏噓，認為要有多個電視台大家才有進步。