Jeana怕醉諗計 吞牛油打低
「不倒胸」何佩瑜（Jeana）為慶祝26歲牛一，前晚約埋伍詠薇、崔碧珈、錢國偉等好友在中環夜店開生日P，身穿大露背連身褲的Jeana自知酒量淺，自言食定一打牛油打底，以免變醉娃。
前日Jeana何佩瑜26歲正日生日，晚上吹雞約定伍詠薇（伍姑娘）、錢國偉、崔碧珈、周美鳳、寇鴻萍和梁廷鏘夫婦等圈中好友，於中環夜店舉行生日派對。壽星女Jeana心情大靚，身穿米色大露背連身褲的她性感非常，伍姑娘見到其白滑玉背，都禁不住伸手摸一摸。
Jeana接受訪問表示自知酒量淺，為免變成醉娃，所以預早諗定計打底，她說：「我26年嚟第一次搞生日Party！生日願望係希望世界和平！因為驚飲醉，所以已經食定一打牛油打底！」
唐紫睿傍實壽星
可是Jeana好友唐紫睿（Hazel）和梁敏儀卻姍姍來遲，過了Jeana生日（凌晨零時）才相繼到達，Hazel表示有「正嘢」送給Jeana：「但唔係今晚送，因為驚Jeana拎唔到，我都驚佢今晚飲醉，所以會睇住Jeana！」
而Jeana與伍姑娘等好友全晚玩到癲，切蛋糕之餘，又喪劈酒，幸而Jeana「最後冇事」，不用變醉娃，玩到翌日凌晨3時才離開。
文：專案組