周柏豪半裸代言封暖男
型男周柏豪早前袋七位數字酬勞為屈臣氏連鎖店拍攝新一輯廣告，拍攝期間他被瘋狂「集郵」，更得全新封號：「同50幾個工作人員影合照，啲女仔一見到我就開心尖叫，仲話要封我做『暖男』，話我又潮又型，讚到我都唔好意思。」
柏豪是接謝安琪棒擔新任代言人，亦是品牌首次找的男性代言人，柏豪說廣告商喜歡他形象健康，夠環保。廣告中，柏豪分別有斯文、運動、冧女及半裸性感look，為此他特意操fit，問到是否半裸收貴啲？柏豪說：「聽經理人話價錢係look good,feel great。其實仲有內褲廣告，不過身形未ready先唔接拍住。」