任達華意國Sell「車」冧死女
大忙人任達華正於意大利拍新戲，與曾演「邦女郎」的意大利女神合演情侶，華哥亦吸引了大批歐洲粉絲蜂擁而至為一睹偶像風采，華哥即以自拍撒手鐧冧盡粉絲！華哥在當地看見衝鋒車靈感到，乘機向意大利片商sell新片，竟有得着！
影星任達華忙完英皇電影《衝鋒車》的宣傳後，日前已遠赴意大利為英皇電影《魔卡行動》（暫名）拍攝外景。他與曾飾演「邦女郎」的意大利女神瑪莉亞嘉仙露達（Maria Grazia Cucinotta）合演情侶，十分好艷福，華哥直言甚為欣賞她，大讚女神有魅力人又夠nice：「Maria Grazia十年前拍占士邦片《黑日危機》，喺意大利係最紅最紅嘅女仔，就算今時今日，喺意大利個個見到佢，都當佢係女神。」
出絕招冧fans
其實華哥亦不遑多讓，大批歐洲粉絲知道他在意大利拍戲，就專程趕去探班見偶像一面，令升呢做歐洲靚女殺手的華哥非常感動，所以維持一貫親民作風，出絕招冧盡粉絲，逐一與他們自拍。
浪遊米蘭街頭
在佛羅倫斯拍戲的華哥，見到當地警車後就靈感到，立刻向意大利片商力銷英皇電影《衝鋒車》：「我哋畀咗少少《衝鋒車》預告片畀意大利人睇，佢哋好鍾意，意大利人好鍾意睇喜劇！」更大爆意大利方面想借橋翻拍《衝鋒車》。由於拍攝順利，華哥每日都早收工，其中一日他趁天氣好與助手外出逛一轉，乘機在米蘭拍攝黃昏日落醉人景色，又在街頭欣賞油畫，爭取分秒享受浪漫人生。
文：影視組