Lucky肉香誘女圍 父齋睇唔「救仔」
年僅16歲的「小鮮肉」、美國模特兒Lucky Blue Smith前晚突襲銅鑼灣，遭逾百途人圍着瘋狂集郵，當中大部分是女士，情況一度混亂，Lucky Blue曾向同行的父親求救，但其父卻只顧睇熱鬧，幸好Lucky Blue臨危不亂，滿足眾粉絲要求後終可「脫身」！
近期紅爆的美國模界「小鮮肉」Lucky Blue Smith，前晚偕父親及友人於約11時路過銅鑼灣渣甸街，期間遭眼利的途人認出，之後有近百粉絲將Lucky Blue重重包圍，爭相與他合照，Lucky Blue見情況混亂，即向父親求救，但其父只隔岸觀火，認真搞笑！
表情多多
Lucky Blue未能殺出重圍，就化身「黃大仙」與眾粉絲合照，期間他表情十足，伸脷、嘟嘴樣樣齊，冧爆男女老幼，他又呼籲紛絲從馬路移師入行人路，但仍因人數太多一度影響交通，有司機經過時都要不停響號。
滿足部分粉絲後，Lucky Blue一行人慢慢走至軒尼詩道馬路燈位，此時交通燈亮起紅燈，Lucky Blue停下等過馬路時，一直跟隨的途人再上前與他合照。
粉絲苦追
橫過軒尼詩道再往駱克道方向行走的Lucky Blue，行至東角道又再「受集」，他親民到底一視同仁，在滿足各人合照的要求後，Lucky Blue大隊就再往怡東酒店方向離去，為街頭粉絲聚會畫上句號。
文：影視組