梁晶晶減壓糕招
o靚模梁晶晶（Bonnie）為保持fit爆身形，經常都會跑步，做運動消脂，她坦言過了晚上7時便不會再吃東西。不過對着甜品，她就毫無抵抗力：「因為工作壓力大，食甜嘢可以令我心情好啲，特別係啲好靚嘅甜品，真係一睇到成個人都已經開心晒！」
在甜品之中，Bonnie最喜歡就是雪糕，她笑說：「食雪糕比較方便，有時趕時間拎住食都一樣得！而且最近有好多奇怪味道嘅雪糕推出，好似豆腐花味、眼淚味、蝦條味等，真係食極唔悶！早前我先試咗食榴槤味雪糕，其實我本身唔敢食榴槤，但可能因為係雪糕，所以就接受到。」Bonnie果然是典型的女生，一講起甜品就興奮到手舞足蹈，難怪她說齋睇都開心。