卓林出院 可與母親繼續住
已留院六天的「小龍女」卓林被傳這兩天出院，但昨天仍未見她蹤影，不過因案件涉嫌虐兒，故卓林即使出院或上學，暫不能返家與媽媽吳綺莉同住。據知，卓林出院後將到契媽家暫住。作為吳綺莉契哥、現為有線高層曾展章，被問可有考慮帶卓林到其家暫住？他稱：「其實Etta（卓林）留院咁耐都好高危，醫院多病菌。不過嚟我度都唔方便，我又要返工，所以住佢契媽度都好嘅，對個細路女會好啲。」
社工定期跟進
另外，黃國桐律師表示所有刑事案包括虐兒案，涉案的兒童不是原告，只是證人角色，政府才是原告角色。一般情況下，涉案的家長及兒童雙方在事發後仍可見面：「其實係睇番傷勢嚴唔嚴重，唔嚴重嘅話，其實可以繼續一齊住，但會有社工定期上去睇住跟進情況，所以冇話涉案嘅家長或子女唔見得面，亦都可以繼續通電話。」他續指以涉案兒童福祉為最大考量，社工會視乎涉案兒童傷勢程度及家庭狀況，作不同程度的介入及調停。