周麗淇諗好兩年後生B
周麗淇（Niki）與男友徐正曦愛得甜蜜，近期更頻頻被催婚，雖然尚未有婚期，眼見家姐周汶錡（Kathy）懷孕，Niki亦希望兩年後生B ，更即場大晒幸福，指與男友日日都是情人節。
藝人周麗淇昨晚與歌手鍾欣潼、藝人梁烈唯、雷兆光伉儷等出席慈善晚宴，Niki近期頻頻以露腰裝示人，似對小蠻腰最有信心？Niki笑言：「冇大肚嘛。（趁Kathy大肚，晒小蠻腰？）佢直情晒泳衣照添！（Kathy佗B有冇不適？）咩都冇，冇嘔、冇轉口味。（佗得咁舒服你都想生？）等佢生完問吓佢先，生仔係女人偉大嘅任務，不過覺得好恐怖。（怕痛？）怕痛、怕生唔到要開刀會有疤痕。」
Kathy明晚見人
問她是否計劃兩年後生B？Niki坦言渴望，與男友已有共識？她說：「冇，我哋冇傾，係我自己諗。」明天便是白色情人節，會如何慶祝？Niki說當藝人已沒有節日觀念，甜笑說：「對方有心，日日都係情人節。」另外，據知，早前在法國度假時公布懷有身孕的Kathy，現已回港，將出席明晚的慈善晚會，是懷孕後首次亮相。
陳細潔再衝刺
另外，鯊魚女陳細潔（Abbie）則穿上旗袍大騷婀娜多姿身材，Abbie透露新春期間食了不少美食，但幸有做運動，所以不至太肥，又表示剛去完北海道滑雪作最後衝刺。至於國際影星尚格雲頓原定出席活動，但卻姍姍來遲，到活動近尾聲還未見他出現。
文：名人組