許廷鏗生唇瘡 唔敢擘大口
歌手許廷鏗（Alfred）、陳潔靈與組合C AllStar前晚擔任豐澤主辦《2014生活新開發大獎》的表演嘉賓，其中Alfred更與參加《超級巨聲》時的導師陳潔靈合唱，Alfred表示：「之前巨聲試過喺紅館廿幾人大合唱，因為知道佢想唱英文歌，所以揀咗《I believe I can fly》，不過都有少少壓力。」另外，Alfred自爆去歐洲旅行時受感染生唇瘡：「依家都唔敢擘大把口。（咁咪冇得同女友嗰啲Kiss囉！）呢啲未輪到我。」
C AllStar拒穿J-back
而陳潔靈就笑言合唱時自己更加緊張，又感慨Alfred已經推出第五隻專輯：「冇諗過佢已經出道五年！一直以為得兩三年，原來已經第五隻碟，好厲害，同埋點解佢愈嚟愈後生？」其後陳潔靈被問到今年已60歲，如何慶祝？她即時面色一沉說：「冇喎，你唔講，我都唔知自己幾多歲。」
同場的C AllStar自爆早前發現無邊丁字褲：「我哋稱係J-Back。（你哋接受到？）第一次睇難接受，但接受到睇。（可以試吓着，開拓另類市場！）唔好啦！應該返唔到轉頭。」
文：音樂組