四子女三癌逝 梅媽哭斷腸

梅媽梅覃美金育有兩子兩女，長女梅愛芳及孻女梅艷芳（阿梅）分別於2000年及2003年同因子宮頸癌離世，失去兩女的梅媽大受打擊，由於阿梅生前成立信託基金並將遺產交給滙豐信託管理，故阿梅過身後，梅媽多次提出訴訟，希望取得阿梅全部遺產，可惜多次敗訴及被法庭頒令破產，梅媽昨日親口承認二仔梅德明於前日因喉癌過身終年62歲，大受打擊的她說：「冇嘢好講。」經歷三個仔女死於癌症的她全程喊晒口，未能講說話兼心情反覆。

已安排身後事

問到是否已安排好德明的身後事？梅媽說：「搞好喇，喺四月二日，會喺九龍區。（九龍世界殯儀館？）唔知呀，交晒畀人搞。」問到心情是否平復？九十多歲的梅媽說：「點會好？尋晚都冇瞓過，亦冇胃口食嘢。」經歷喪子之痛的梅媽多次在電話中叫出二仔名字：「德明、德明，依家眼又矇、耳又聾，好煩、好唔開心。」期間她多次表示「冇嘢好講」同「唔講喇」。

梅艷芳（右）與胞姊梅愛芳先後同因子宮頸癌離世。	阿梅的二哥梅德明前日因喉癌逝世。	經歷喪子之痛的梅媽，日後生活靠梅啟明照顧。

啟明冇錢驗身

身為家中長子的梅啟明透露弟弟過身一刻，德明的兩子、兩女都在身邊：「四個仔女喺床邊，我同阿媽都有喺度。（佢太太呢？）佢有兩個太太，都唔見喎。」兩位妹妹及弟弟都是癌症過身，問到梅啟明有否去驗身？他說：「我邊有錢？（出去打工搵錢？）我咁老、又咁多人識，邊個會請我？你請我囉。（你要養梅媽？）我會照顧佢。」

文：音樂組