趙頌茹決心考牌為女管接送
單親媽媽趙頌茹（阿Yu）跟主持人森美出席頂級名車租賃典禮，阿Yu眼見名車即心癮起，決定考車牌，獨力照顧兩個女的她希望一take過，她笑言寧願請司機，也拒搵個柴可夫；而鍾情古董車的森美也有興趣租賃用電的房車，試啱心水才買車。
藝人趙頌茹與金牌DJ森美昨日應邀出席「全球首間AVIS Prestige陳列室開幕典禮」擔任剪綵嘉賓，AVIS Prestige作為全球最大汽車租賃品牌，由stylesfeed.com籌辦今次開幕典禮，見到一架架豪華房車，阿Yu也心郁郁想考車牌，她說：「想帶兩個囡囡去玩，有車方便啲，會的起心肝去考。」不過阿Yu自嘲方向感差，她笑說：「有時口講第二邊，手就指向另一邊，我個人一心急就好亂。」可有信心一次就考到車牌？單親媽媽的阿Yu得知「肥佬」要再畀錢報考，即笑說：「如果為咗慳錢一定要一take過考到。（搵個男伴揸？）我有錢不如請司機！」
女要見父社署安排
為電台忙於拍劇的阿Yu，劇中飾演女警，她說：「十幾歲都有諗過考警察，但我奀挑鬼命，所以冇去考。」此外，她亦夥RubberBand的泥鯭拍另一套劇，劇中泥鯭做了錯事，遭她狠飛，跟現實的她相似，她說：「有經驗係可以有幫助，但希望嚟緊唔好咁多。」談到可見過周永恒？阿Yu坦言不會再見對方，至於兩個女要見爸爸，就交畀社署安排。阿Yu透露大女準備升小一，她已有心儀的小學，希望女兒可成功得學校錄取。
森美有興趣租車揸
愛車一族的森美笑說：「呢度租嘅都係名車，我都唔係富豪。」但森美有興趣租用電駕駛的房車，他笑說：「我屋企嘅停車場冇得叉電，最好我揸完冇電，佢哋幫我叉咗再畀我用。」他覺得這種租車公司好好，他說：「有時我鍾意嘅車款，仔女未必鍾意，太太鍾意嘅，又未必合阿媽心水，所以租車揸一頭半個月，啱嘅先買都係好事。」森美特別鍾情古董車，家中現有三部。
文：音樂組