沈震軒嗒吳若希糖
沈震軒與吳若希（Jinny）昨日出席無綫劇《衝線》宣傳活動，提到Jinny揚言想收沈震軒做兵，沈震軒笑謂：「你係咪想做韋小寶？不如你講你最想同邊個？鍾意邊一type？」Jinny即笑指選擇人父陳奐仁：「如果可以俘虜埋佢就係幾好嘅成績，因為佢係緋聞絕緣體。（佢有太太？）所以呢個都傳就無敵啦！」
單身的兩人會否考慮對方？Jinny大爆：「但我唔係佢想要嗰type，佢鍾意3D。」沈震軒卻否認喜歡豐滿的女仔，又大讚Jinny長腿是女神：「Jinny都有好多我鍾意嘅嘢，我鍾意笑、開朗、鍾意音樂嘅女仔，所以我哋好啱Key。」不過Jinny卻指私下太老友，又經常互窒對方的緋聞：「我哋只可以做到呢種關係，我哋成日都可憐對方，大家都單身，情人節都一支公喺屋企。」對於劇集收視未如理想，Jinny稱年輕觀眾多上mytv重溫，認為單計收視率對該劇不太公平。