《賭城II》票房殺晒約發哥食飯

周潤發、張家輝與劉嘉玲主演的電影《賭城風雲II》,在內地票房衝破9億元人民幣(約11億2千萬港元),成績斐然,嘉玲對票房報捷當然十分高興,談到王晶有意開第三集,貴為福將的她可會考慮加片酬?她笑言:「呢啲唔諗啦,最開心係呢次拍戲,台前幕後都合作得好開心,仲令我有機會更深入了解發哥,佢係一個良師益友!(再相約行山?)一定會啦,會不斷咁行,一齊去練仙、打霧、吸收大自然嘅靈氣。(叫埋老公梁朝偉去?)梗係要啦!」

《賭II》今日將於北京慶功,但嘉玲因有工作在身未能前往,她直言已約好發哥、導演王晶等好友,待他們完成北京慶功,回港後大家再一起食飯慶祝,她說:「其實我哋成日都會約出嚟一齊食飯,依家咁開心,梗係要再約出嚟見吓面慶祝吓。」