江美儀孖男友練習咀戲
藝人朱璇、江美儀昨晚到旺角為主演的電影《衝上雲霄》謝票，同行還有電影監製梁家樹，三人大派紀念品，影迷反應熱烈。江美儀透露已與男友吳君祥入場兩次支持，她說：「咁佢都有份客串，算係互相捧場！ （投訴你有kiss戲？）佢話鬆郁濛！但冇投訴。（男友有咀戲點算？）咁呀，都要親自教路，因為佢演齡好低，要同佢練習多啲先得，等佢唔好失禮，輸人唔輸陣！」會否撐男友多在幕前露面？美儀笑言：「佢成日話自己靚仔啲就不得了，不過佢都係鍾意做幕後。」
朱璇則戴黑超現身，她對此說：「自己眼腫，好感動，因為票房好勁，自己一落機就過嚟謝票。（去咗邊？）去咗北京玩。（冇仔陪？）冇呀，我擔心（單身）！」朱璇發現講錯後即場狂笑，她又指自己曾單拖入場支持《衝》片，大呻冇人陪。