一星期「同居」五日 安志杰愛睇JC警鐘胸
「警鐘模」Jessica C.身穿性感開胸裙，與男友安志杰Andy首次以情侶檔出席活動。Andy笑言喜歡見到女友性感打扮，故不會阻止，又大爆二人農曆新年在家玩煮飯仔，過住「同居」生活，表示視對方為結婚對象呢！
昨晚藝人黃宗澤、名模莊思敏、Jessica C（JC）及男友安志杰等一同出席豪華汽車品牌Infiniti Q70的新車發布會。其中首次以情侶檔出席活動的JC和安志杰就成為焦點。兩人大方攬腰拍照，表現恩愛，並一同接受訪問，對於首次一起出席活動？JC坦言有些緊張，而Andy雖然表示不緊張，但卻狂標汗。
父母讚好女仔
談到農曆新年如何慶祝？Andy說：「喺屋企煮飯，佢第一次煮三文魚，我就煮雞胸肉同蔬菜，不過我嘅廚藝好過佢，而且我屋企廚房細，唔鍾意逼埋一齊，所以唔使佢入廚房。（依家同居？）唔係，不過一星期有五日一齊住，（視對方為結婚對象？）應該係，大家性格好夾，佢人好好，（今年結？）唔知，（佢係咪好老婆？）梗係啦！（會唔會唔畀佢性感？）唔會，因為我都鍾意睇，（父母有冇叫你快啲結婚？）佢哋都覺得佢好好，但唔會催婚。」而JC亦大讚男友很好，更笑指對方很hot和sexy，認真肉麻！
而黃宗澤就透露農曆新年在香港放假陪伴家人，但就自嘲「攞嚟賤」，他說：「我放咗成十日假，日日好似冇嘢做，自己餐廳又收爐，瞓覺到中午又覺得好頹廢，（冇拍拖更覺空虛？）成日搵人食飯囉！」言畢又笑問記者可有女孩子介紹。
文：名人組