Ana R. 望做羊年媽咪

混血名模Ana R.昨日為香港國際珠寶展行騷，她表示今年已是第二年以太太身份派利是：「派畀老公嘅外籍朋友好搞笑，佢哋唔係好明利是係咩嚟，問我係咪畀佢哋搭的士。（幾時生個BB出嚟逗利是？）我哋仲努力緊，呢啲嘢唔會喺一夜間發生。（農曆新年點過？）農曆新年我哋留喺香港，同朋友一齊聚會慶祝，我老公仲煮咗個好好味嘅烤羊，佢係一個好廚師，通常男仔煮肉都叻。（新年願望係咩？）想生BB，希望今年會有，對我嚟講仔女都冇所謂，但我老公就想要女多啲，覺得女會好嗲同好黐爹哋。」