李嘉欣Ready追羊女
「大美人」李嘉欣農曆新年留港度歲，她表示希望囝囝可以感受一下過年氣氛，又會跟囝囝一同包餃子及封利是，還會教囝囝拜年的禮儀。有子萬事足的嘉欣隨時準備再當媽媽，但一切要等老天爺旨意！
李嘉欣昨日出席時代廣場「金龍醒獅賀新歲」活動，即場點睛及參花掛紅，又跟大會安排的小女孩合照，母愛洋溢。問到農曆年如何慶祝？她說：「好多人唔喺香港，我哋就留番喺香港，感受吓過年氣氛。我會同囝囝一齊包餃子，不過囝囝搗亂多，又會同佢一齊包利是，（驚唔驚佢包錯？）面額都會特登分開，哈哈！我會教佢拜年嘅禮儀，要講恭喜說話，唔可以問人攞利是，要雙手接利是，然後雙手畀番我，唔使畀Daddy，因為我會幫佢儲起。」至於新年願望？她續說：「身體健康，最緊要一團和氣，（追個女？）睇天意！（隨時ready？）今日嚟呢度沾吓旺氣，睇吓上天啦！」
親解不入馬場之謎
此外，嘉欣又透露今天初七人日，也是丈夫許晉亨的生日，她表示會一家人吃飯慶祝，自己亦準備了一些心意禮物。問到過年有沒有入馬場捧愛駒場？她笑說：「冇呀，其實我都唔多入，每次入去啲馬迷見到我出現就會落飛，數字就上升，有無形壓力，（會唔會帶囝囝去馬場？）都想，不過可能佢企嘅位置唔同我哋，如果唔係三個人一齊就唔係咁好！」
文：名人組