霆鋒歌名敏感被笑逃兵

近年在香港舞台能看到謝霆鋒唱歌，相信只有是霆鋒出任演唱會做嘉賓，前晚霆鋒便為阿倫的第十一場個唱做特別嘉賓，原本仍身在北京的霆鋒專程返港演出，甫下飛機即趕到紅館進行綵排，而謝賢（四哥）及狄波拉都來捧兒子場。

四哥坐VIP位

至於阿倫在台上更以型足三代來介紹身穿黑色型格皮褸的霆鋒出場：「歡迎今晚型仔嘉賓，型足幾代，由佢爹哋到佢，到佢個仔將來都係咁型！」阿倫更說四哥坐在台下VIP位，霆鋒笑言：「咁遠睇唔睇到我呀！」跟住霆鋒亦很識做向台下觀眾及阿倫拜年祝大家心想事成。

四哥、拉姑都來捧霆鋒場。

霆鋒走埋觀眾席與粉絲握手。

與觀眾握手

阿倫和霆鋒合唱《再見亦是淚》，之後阿倫說：「好多嘉賓唱嘅歌都係我揀畀佢，但今晚兩首歌都係霆鋒揀嘅。」霆鋒稱另一首是《愛的逃兵》，阿倫即大讚首歌好聽，更抵死笑問霆鋒：「揀呢首歌有冇特別意思o架！」被取笑的霆鋒即時退了幾步尷尬說：「咩呀……！」阿倫即一手拉住霆鋒相當搞笑。之後阿倫便留下霆鋒在台上演唱《愛的逃兵》，霆鋒還走到兩邊觀眾席演唱，更與觀眾握手，惹來不少歌迷尖叫聲。

文：音樂組