謝天華飲到紅唐詩詠打包走
謝天華、唐詩詠、古天樂、吳志雄等前晚齊齊相約吃飯，天華飲到面紅紅，撇低緋聞男友洪永城的唐詩詠則單拖前來，不過走時就打包不少美食，未知是否送外賣給洪永城。
記者昨日致電給天華，他坦言與志雄哥一同出席飯局。他說：「過年大家食餐飯啫！（開心到面都紅晒喎！）飲酒梗係咁啦！」提到古仔人旺、做生意又有諗頭，問天華會否與對方合資做生意？他笑言：「唔會啦！學都學吓佢點解開食肆都食極唔肥。（古仔、志雄哥佢哋有冇派利是畀你囝囝？）梗係有，冇我仲放過佢哋？我都派咗咁多年，今年仲唔逗番啲！」
詩詠前晚走時打包，記者昨日問洪永城是否給他作消夜？他笑言：「冇呀！我都病咗，喺屋企休息，之後要去印度拍旅遊特輯，又要開會，又要去打針。」問他過年期間有否與詩詠去拍拖時，他笑言：「冇喎！」莫非兩人感情有暗湧？
