Baby黐實曉明唔再驚青

久未在港露面的楊穎（Angelababy）昨日出席「海港城新春抱抱財神活動」，身穿紅色背心連身裙的她，稍稍露出白滑纖腰，造型頗為性感，而對於上圍明顯豐滿不少，則邊笑邊解釋說是「靠墊」出來的。席間Baby與兩位中西財神爺大玩攬攬，更獲財神爺贈吻，為搞氛氛她更手舞獅頭助興，並率先向現場觀眾拜年。

情人節開工

問到新年將如何度過？Baby表示會與男友黃曉明到美國外遊：「終於可以講係同男朋友去旅行，以前好驚講，今次陪佢去美國做嘢，初一同初二就去青島探佢屋企人，都見過好多次。」而情人節她則會在上海工作，會否與男友度過則要看緣分：「依家我哋過得好開心同實在，我冇準備都唔知送咩畀佢，上年佢生日都冇送禮物，唔想買啲唔實用嘅嘢。」

黃曉明（左）、Angelababy	對於突然「豐滿」，Baby笑言「墊」多咗。	Baby與財神攬攬，旺上加旺。

求婚要簡單

而本月28號正值其26歲生日，去年男友送贈名車哄動一時，Baby則指今年希望可以返璞歸真，未有特別渴望得到甚麼禮物：「去年一路想買過架車，但佢未試車就送咗畀我。（要求婚戒指？）都唔係嘅。（有共識？）未知，有消息會話畀大家知，唔好催我，你哋催完我又到第二班人催我。（學汪峰高調同章子怡求婚？）總之有消息會同大家講，自己想簡單啲，計劃好先話畀大家知。」

文：名人組