定欣霸氣升呢 祥仔娘娘腔迎戰
黎耀祥、胡定欣及蕭正楠等昨日出席劇集《公公出宮》試造型，原先的女主角蔡少芬因劇集延遲拍攝未能參與，最後由胡定欣頂上變身「女一」，定欣說：「係緣分。」她將演霸氣男人婆大當家，把劇中所有男人都嚇怕，而演公公的祥仔就要以娘娘腔演出。
無綫去年搞節目巡禮時，見劇集《公公出宮》的女主角原本是蔡少芬，但因劇集由十二月開拍延遲到二月才開工，蔡少芬因檔期問題未能拍攝，現時其角色由胡定欣「升呢」頂替，定欣昨日出席造型活動時坦言此乃緣分：「冇話頂唔頂，好珍惜今次同呢個班底合作。」定欣與黎耀祥原來已先後七度合作，今次定欣演霸氣男人婆大當家，把劇中所有男人嚇怕，她希望劇集能成台慶劇。
曹永廉「出櫃」
祥仔演出宮的公公，他笑言演娘娘腔難不到他：「冇乜問題，以前都扮過，唔係特別難。（驚唔驚甩唔到角色？）唔會，甩唔到都唔怕，我都有個仔咯。」講到《公》除了缺少蔡少芬，太監五虎亦缺少了黃浩然，祥仔說：「差少少啦，浩然都撞咗劇。」
蕭正楠踢爆曹永廉試女人造型時很投入：「佢戴bra扮女人好投入，好得人驚，我驚佢拍完會『出櫃』。」曹永廉笑言向定欣借bra扮女人。《公》會到開平取景，問蕭正楠女友黃翠如會否探班？他說：「我應該會同曹永廉一間房，睇佢肯唔肯讓床位啦！」同場的姜大偉被問到是否會箝制百厭女婿曹永廉，他笑說：「佢箝制我先真，我係新人呀！」
《師奶》收視好
此外，蕭正楠、黃翠如主演的《師奶Madam》上周五大結局錄得平均28點、最高29點的收視，成績相當好，眾演員正商討是否搞祝捷會。
文：影視組