王宗堯鎮定演同志

近年在電影界中嶄露頭角的王宗堯，過去一年涉獵影視、舞台劇，去年大豐收的他，所拍攝的電影中不乏與女星肉搏、玩激情等，先有前女友陳靜的大膽床上戲，在新片《壹獄壹世界》中，又與林芊妤重演「殘廁事件」。

難道不擔心定格為三級片男星？王宗堯說：「係有少少定型，但都有優勢，一有大膽啲嘅戲大家都會諗到我，其實依家三級片嘅界線好模糊，唔淨止係指低俗，有啲係意識上大膽、有粗口、食煙情節都可能列為三級片，我其實唔係好介意。（大膽程度嘅底線？）裸跑囉，今次拍《壹》片都試埋啦！」

王宗堯與林芊妤會重演「殘廁事件」。

王宗堯裸跑演出，為藝術犧牲。

視青雲為目標

出道十多年的他以劉青雲作目標，指對方即使演小巴司機也有獨特韻味：「青雲早已成為人民影帝。（你恨唔恨攞獎？）以前就會定個目標，幾多歲之前要攞咩獎，有獎固之然開心。依家好多影帝級男演員，年紀都有增長，反而我會訂立一啲小目標去完成，就好似想挑戰男同志角色，喺造型、演繹上都同過去拍嘅戲大大不同！」他拍過不少激情戲，會否擔心將來的另一半介意？王宗堯說：「唔會，依家個底都花咗啦！佢識我第一日就知我係演員，唔體諒我喺工作上有突破嘅，我諗好難做我女朋友。」

文：影視組

髮型：King@private-i

化妝：Aster Phang

場地：大洋軒