翠如認蠢 蕭正楠話正
黃翠如與蕭正楠傳拍拖時，翠如被指是「小三」，現時事過境遷，兩人愛得甜蜜，原來他倆可說是由錯誤開始，沒料到最後竟「弄假成真」，翠如說：「真係要多謝當時啲報道，令到我哋多咗溝通。」翠如又自爆蕭正楠最欣賞她蠢，而大家的性格亦很相似。
有傳黃翠如和蕭正楠拍無綫劇《師奶Madam》時已撻着，當時翠如更被指介入蕭正楠與何傲芝的戀情，沒料到傳言竟成為翠如和蕭正楠的「媒人」，翠如說：「拍劇時大家都自閉，真正有熟落感覺要去到套劇嘅煞科宴，先真正有機會坐低傾偈。不過煞科之後幾日我就同洪永城飛咗去拍《走過足球聖地》。之後突然有好多我哋嘅新聞出現，大家多咗溝通都係因為呢啲新聞，真係要多謝報道，之後彼此加深了解。開始初期都好多困難，外間好關注我哋，我哋慢慢建立感情，總算慢慢捱過。」
零主見遭鄙視
談到拍拖後愛得公開，翠如說：「我哋冇共識，只係大家都唔聰明，亦唔鍾意講大話，同埋外間對我哋都係祝福，所以用最舒服嘅方法回應。」原來翠如與蕭正楠互相欣賞對方思想簡單直接：「我覺得佢最欣賞我夠蠢，佢要搵到個蠢過佢嘅人唔易。我哋性格好似，兩個都係好簡單嘅人。」
翠如與蕭正楠拍拖後多次甜蜜旅行，感情大有增進，翠如說：「我哋拍拖以來未試過嗌交，連爭拗都冇，大家都冇乜所謂，價值觀、睇法、諗法都好似，所以暫時冇意見分歧。最近去完日本旅行，佢發現我係零主見，又話鄙視我呢個『旅遊達人』，因為啲行程都係佢決定。」
採訪：影視組
攝影：張福宏
服裝：Initial