胡鴻鈞扮殭屍專心晒肌不談情

歌唱比賽出身的胡鴻鈞（Hubert）近日第二次接拍電視劇，將挑戰帥氣殭屍角色，他覺得甚具挑戰性：「今次有機會同好多大卡士合作，好似謝安琪、鄭嘉穎等，我都幾緊張今次演出。」Hubert坦言今次不談情，只騷肌：「我今次嘅角色係一隻被爸爸囚禁咗幾百年嘅殭屍，後來帶住仇恨報復，最終被爸爸殺死，所以基本上冇感情線。收到劇本之前，已經開始睇吓天書，研究成套劇個流程。另外，因為角色一開頭衣衫襤褸，會露吓肉，所以我特登為呢個角色勤力啲做番Gym，不過好彩之前拍廣告時身形都算keep得唔錯。」