戲壇生力軍曾詠欣及江宏基日前於九龍灣為新戲宣傳，以歌手身份出道的詠欣自爆首度演戲即化身性感厲鬼：「我喺套戲生前做援交少女，會畀郭偉亮追殺！（性感示人？）少少啦！」問她本身是否怕鬼？詠欣自認以嚇人為樂：「我對鬼片係又要驚又要睇，不過今次就唔驚，因為到我周圍嚇人！」
至於江宏基就直認大膽：「我客串做謝婷婷的朋友，會畀詠欣嚇餐飽，好彩我本身算大膽！」而他又透露近期獲邀參演電台劇集，平日則忙於教舞及擔任模特兒，積極裝備自己！
