顏子菲恨跟彭于晏打出愛火
密謀進軍影壇的前亞姐顏子菲新一年決意放下選美包袱，朝打女路線進發，提到最想合作的男星，子菲大讚彭于晏靚仔、打得又認真，希望兩人可合演史密夫與史密妻，「談談情打打交」就最Perfect！
顏子菲擁有標致臉孔，加上5呎9吋模特兒身高，在娛樂圈擁有絕佳優勢，去年子菲與亞視結束賓主關係，積極向模界及影壇進軍，發展順利曝光機會增多，甚至終可一圓夢想，拍電影發揮演技！
動作戲快上手
踏入2015年，子菲坦言會全力向影壇出發，跟影帝黃秋生學戲，並會拋開亞姐包袱，做一個任導演搓圓扁的好演員：「雖然我係選美出身，做亞姐形象要高貴、矜持，但拍戲要演繹唔同角色，冇可能次次都靚。」子菲直言想嘗試不同戲種，但最想拍的竟然是動作戲，希望做女英雄，自信腳長有着數：「我細個好男仔頭，周身郁仲會好似馬騮咁爬樹，加上我模仿都叫快，武術指導教我一套動作，會好快學得識，現實嘅我係唔打得，但自信拍出嚟係似模似樣嘅。」
讚靚仔又陽光
講到拍動作戲，子菲表示最近有關注上位影星彭于晏（Eddie），對他讚不絕口，希望有機會合演猶如《史密夫與史密妻》的電影，寓打鬥於談情，她說：「我幾年前訪問過Eddie，當時佢係新人好怕醜，呢幾年間佢好努力，拍戲態度好認真，會為一個角色好專注咁受訓！（鍾意呢類男仔？）都鍾意！認真嘅男士係最靚仔，而且佢又咁陽光，我自己好動，但有時少咗動力，如果另一半好積極嘅，會影響到我更健康。」
文：立影
攝：張福宏
髮型：Parco Wong@Hair Trinity