樓南光食老本 培育港版活士
資深演員樓南光對推動本地高爾夫球運動發展不遺餘力，最近毅然放棄所有工作，致力推廣望將這項運動「平民大眾化」，他更把運動理念與做人處世掛鈎，笑言跟他學波最終一定不只球技上的得着！
年屆60的樓南光形容自己「愛玩」，嗜好除拍戲外還有足球及高球。他表示先後3次「棄桿」，高球球齡超過20年，眼見近年本港高球熱潮減退，球場買少見少，竟忽發奇想決定暫停演藝事業，加入組織「中國（香港）長青職業高爾夫球手協會」當公共傳播總監，致力令高球「重生」。
籲政府放寬批地
雖然零收入「食老本」，樂天的他卻謂：「有啲嘢係一定要去做嘅，我本身有教練牌有收開學生，都預咗1、2年要咁樣（零收入）做推廣嘞。好明白高球係種比較昂貴嘅運動，所以好想將佢『平民化』，我覺得有啲人對高球嘅潛質係天生，唔想有potential（潛能）而家庭環境一般嘅球苗被埋沒，香港能出到另一個Tigerwood（活士）就更加好嘞。」他又呼籲政府說：「唔支持（高球）都唔好扼殺佢，希望放寬球場批地條款。」
訓練小朋友相處
樓南光做人有自己一套，他將高球理念與做人畫上等號：「運動可以訓練人嘅body、mind and soul（身體、思想及靈魂），小朋友一齊學波亦容易產生朋輩影響，好似我妹妹個仔學波領略到一啲道理，都會返去同父母分析佢哋嘅相處問題，所以打波唔只係打波咁簡單。」原來他更試過充當「摩登月老」，撮合有緣人：「咁打完波都要食飯嘛，咪約埋志趣相投嘅男女搞過table for six囉，講唔埋可能係商機添呀。」
文：影視組