謝婷婷昨出席Salvatore Ferragamo腕錶系列活動，表示情人節已相約女朋友在家玩煮飯仔，記者笑問會否中途「轉基」？她說：「我未試過鍾意女仔，但有畀女仔追過。（有冇男仔向哥哥霆鋒示愛？）冇示愛，但有男仔朋友覺得佢超級無敵靚仔。」
談到近日父親謝賢接拍內地真人騷節目，被霆鋒以年紀大為理由勸喻辭演？婷婷卻持相反意見：「大家都會錫住我老竇，我都想去捧場，（想唔想同爸爸跳舞？）我未夠班，爸爸跳舞好有風格，如果要揀世上唯一嘅完美舞伴，一定係我爸爸！」
