姜麗文膽大過家中男人
姜麗文（Lesley）日前到嘉年華體驗各款機動遊戲，她自言最愛追求刺激感，絕不會嚇到腳軟：「因為我好鍾意機動遊戲，完全唔會淆底，反而姜家嘅男人冇我哋女人咁大膽，我同媽咪係大膽啲！」她成功挑戰攤位遊戲，贏得大型毛公仔。
她直言與緋聞男友鄭俊弘仍有聯絡，不排除帶他再來嘉年華狂歡：「佢都好鍾意玩機動遊戲，男人係要咁大膽先得！」對於近日傳出她搭上韓國組合2PM成員Jun. K，她否認稱：「完全唔同LEVEL，唔好玩啦。人哋K-POP巨星嚟，唔好諗多咗。」
場地：AIA友邦歐陸嘉年華