發哥撩偉仔行山

周潤發昨晚與發嫂搶先現身北京，準備為新片《賭城風雲II》展開內地宣傳之旅，發哥於機場見到記者時揮手向記者致意並受訪，問心情如何？發哥笑言最緊張情人節當晚影迷們的反應。

讚嘉玲演技好

提到早前發哥為《賭》片拍檔劉嘉玲的舞台劇撐場，他即大讚說：「好開心，嘉玲演得好好，個個都演得好！（有冇興趣重出江湖？）睇吓佢哋有冇安排。（同梁朝偉喺後台合照有冇傾偈？）大家都有傾偈，睇吓有冇機會約偉仔行山。」

發哥早前與偉仔玩自拍。	余文樂手拿兩槍，與發哥掃場。	發嫂將陪發哥展開宣傳之旅。

另外，余文樂在《賭》中演發哥徒弟，追捕張家輝。在片中以發哥的經典雙槍造型上陣的樂仔盡得「師傅」真傳，他說最難忘的，是與發哥合作以雙槍「掃場」的一場戲，就像重演《喋血雙雄》的經典場面。

樂仔更獲發哥親自傳授開槍技巧，對於能與發哥和張家輝等演員合作，他感到很興奮：「發哥同家輝都係香港非常出色、有代表性嘅演員，佢哋得獎無數，但同佢哋合作唔會緊張，反而好輕鬆，因為佢哋喺現場好識搞氣氛，工作都好順利。」

滿意徒弟表現

發哥亦對樂仔表現感滿意：「樂仔有好多女粉絲，係靚仔男一號，演出自然舒服，以後20年都係佢嘅天下。」

文：影視組