吳千語知衰迷湯氹病峯

影星吳千語聯同鄧伊玲（阿旦）、岑樂怡（阿妹）和羅沛琪（Pinky）昨日在中環見證香港國際七人欖球賽登陸nowTV，擔任宣傳大使的千語，除親身啟動倒數鐘外，更透露將為nowTV拍攝宣傳片。自爆受澳洲朋友影響而喜愛睇欖球賽事的她，就大讚欖球運動員夠大隻：「我記得我有次搭飛機咁啱又係Rugby 7，成個機艙都係打Rugby嘅球員，好好睇！（叫澳洲朋友介紹？）唔使介紹啦，睇吓就得！」

隔離冇得咀

問千語會否怕男友林峯介意她讚其他男仔大隻？她笑謂：「呢個係事實！」又指不需要男友操爆肌：「呢個係運動員嘅標準。（佢咁大隻會反感？）冇所謂啦，佢點都OK，因為我唔係淨係睇外表，內涵緊要啲，肥瘦冇所謂。（佢中年發福呢？）我OK嘅！」她又直言男友都會睇欖球，但從未試過一起睇現場賽事。

患病的林峯被指病情反覆。（資料圖片）

（左起）：鄧伊玲、羅沛琪、岑樂怡 鄧伊玲、羅沛琪及岑樂怡睇欖球賽(目及)肌男。

最近林峯患病，問病情有否好轉？千語坦言：「病完又好，好完又病，身體唔好！（有冇煲愛心粥畀佢？）有睇吓呢排有咩湯水，研究過吓。但有啲人又話好，有啲人就話飲完仲衰！中國人又話唔好食雞，外國人又話要食雞，唔知點好！」千語更笑言與男友「隔離咗」，謝絕咀嘴。

阿旦(目及)猛男

至於以打氣團身份撐場的阿旦坦言，屆時最想親身睇大隻猛男：「呢啲固然要睇啦！氣氛都好緊要！」而Pinky自言專睇女仔：「有好多女仔都着得好Sexy！對女仔嚟講都好吸眼球！」阿妹則稱想用手指篤猛男肌肉。阿旦更建議兩女在賽事前後到中環撞大隻球員，更不諱言自己屆時會「集郵」。

文：影視組