顧嘉煇墟冚榮休巨星力撐
香港樂壇之父顧嘉煇將於5月於紅館舉行榮休演唱會，並由合作無間的丘亞葵做主辦單位，煇哥邀得鄭少秋、汪明荃、葉麗儀等多位巨星獻唱其經典作品，還找來四十五位音樂精英演奏，煇哥還點名要弟子徐日勤擔任音樂總監。
著名作曲家及編曲家顧嘉煇歷年作品超過二千首，不少殿堂級歌手都唱過其金曲，即將榮休的煇哥數年前已與新娛國際負責人丘亞葵（Vigo）商量榮休演唱會，經過多次會議後落實5月8日起於紅館舉行一連六場「顧嘉煇榮休盛典演唱會」。
嘉賓陣容勁
Vigo坦言再與煇哥合作感榮幸及興奮：「我哋商量咗好幾年，感謝煇哥對我嘅信任，大家合作非常愉快。」日前煇哥拍攝個唱海報，透露樂隊多達四十五人：「搵咗弟子徐日勤擔任音樂總監，喜歡佢完全了解我嘅心意，全部樂手都係精英級人馬，服裝搵嚟設計師陳華國操刀。」對於嘉賓陣容，煇哥說：「有鄭少秋、汪明荃、葉麗儀、關菊英、葉振棠、張德蘭、仙杜拉等，仲有一啲巨星參與。」
父女檔登台
另外，汪明荃（阿姐）與鄭少秋（秋官）前晚錄影節目《Sunday靚聲王》，已有兩年多沒有拍攝無綫劇集的秋官笑指無綫沒有邀請：「搵我咪傾吓囉，都係時候同觀眾見吓面。」秋官更提到大女鄭欣宜：「佢首歌幾好聽呀，佢開心就得，唔好勉強。（會唔會父女檔上節目唱歌？）未試過，以前有同佢唱片公司提議過一齊去登台，但係可能檔期問題或唱片公司問題做唔到。」
文：音樂組