謝天華Ｂ仔叫浩飛
一索得子的謝天華現時有仔萬事足，昨日除了再晒幸福向傳媒發放最新「全家福」外，晚上出席電影《浮華宴》首映禮時，話題當然圍繞囝囝「天天」。天華指兒子名字已改，中文名叫浩飛，希望大個振翅高飛，英文名「Theo」則由太太改。
天華表示太太已可落床，說到ＢＢ與他似足餅印，他開心謂：「半餅啦！個嘴最似我。」他又指ＢＢ出世時發生小插曲，原本他想影相，怎知姑娘怪叫，原來ＢＢ請姑娘飲茶，雖然ＢＢ出世時不足６磅，但食奶分量已超過６磅的ＢＢ。會否減產照顧ＢＢ，他笑言：「增產先啱！買過奶粉先知奶粉咁貴。」
而好友錢嘉樂受訪時坦言「古惑佬」群組內個個都恭喜天華，問有否向他傳授心得，他說：「冇！自己生囡囡，淨係換片都唔同，現時希望鄭伊健都生番個。（伊健點睇？）佢冇咩反應！話事權喺佢手。」