周秀娜玩神秘 五官分頭搵
古天樂和周秀娜出席新戲首映禮，兩人異口同聲指自己在戲中演的角色「非一般」，古天樂指自己的偵探角色雌雄難辨，周秀娜在電影中很多時不見樣，大玩神秘，難怪她謂要睇戲找回眼耳口鼻！
古天樂、周秀娜、曾志偉、毛舜筠、蔡少芬及丈夫張晉昨晚出席天馬電影《浮華宴》首映禮，密實現身的周秀娜在戲中一人分飾六角，被指很多時「唔見樣」，對此她說：「係呀，今日嚟尋寶，一陣間睇吓部戲，搵番自己嘅眼耳口鼻。」她又笑說：「套戲係我最性感嘅一部，因為邊個部分都有特寫。（驚唔驚觀眾認唔到你？）唔驚，呢個亦係劇本嘅成功，拍呢部戲最困難嘅地方，就係要靠肢體語言嚟做戲。」
古仔角色雌雄難辨
而戲中飾演偵探的古天樂，笑言角色「非一般」，他說：「今次飾演嘅偵探角色，有別於一般嘅偵探，係一個比較不切合現實嘅角色，連係男人定女人都唔知，幾特別！（擔唔擔心懸疑片種，喺賀歲檔較難取悅歡眾？）唔會，港產片比較少呢個類型，幾熱鬧，演員配搭又好好。」
今年古天樂共有三部賀歲電影上映，包括《浮華宴》、《衝上雲霄》電影版及客串的《12金鴨》，問他較喜歡哪一部？他說：「部部都好，《浮華宴》華麗、《衝上雲霄》講愛情，《12金鴨》就比較本地同搞笑。」昨日金像獎公布入圍名單，劉青雲憑《竊聽風雲3》入圍最佳男主角，有份演出該片的古天樂說：「好開心，亦好榮幸有份參演呢部電影，希望佢（指劉青雲）可以攞埋影帝。（幾時到你攞影帝？）呢啲唔係我話事！」
朱慧敏講孕有蠱惑
同場還有朱慧敏及其男友彭懷安（Eddie），有指兩人今年內將拉埋天窗及朱慧敏去睇婦科疑有孕，現場所見朱慧敏肚子的確有點凸，但對於有孕問題，兩人大賣關子，朱慧敏只說：「我年年都有去做身體檢查，但頭先確收到好多朋友祝福，但都恭喜咗謝天華先啦！（有咗？）你估吓，遲啲咪知，不過我哋都有計劃，大家都喜歡小朋友。」
文：影視組