胡漢清否認不滿江欣燕
近日有關資深大律師胡漢清（Alan）與江希文（Liz）的傳聞很多，昨有一段Liz與Alan的錄音流出，內容指Alan不喜歡Liz胞姐江欣燕，早前計劃一同飛英國探Liz時，要求不要一起坐飛機，或坐開一點。
Alan昨透過友人反擊：「舊年農曆新年，Liz仲喺英國，佢家姐諗住去探佢，Alan都會過英國，但因為江欣燕要登台時間難夾，跟住Alan就叫我同佢講，因為Alan同大女過去，佢哋攞英國護照，過關好快，佢唔想等，大家都知Alan腰患頂唔順，我意思『分開一點』係時間上，當時江欣燕睇唔明，將封電郵l轉咗畀Liz，冇幾耐Alan就打畀我，話我搞到佢家散人亡。事後我都有向江欣燕解釋，解釋嘅電郵亦有寄一份畀Liz，但之後Liz不停攞番出嚟講，Alan覺得唔關佢事，做乜屈佢，脾氣就嚟，Liz故意錄音，仲唔係裝佢彈弓？」Alan的友人指Liz不時對Alan進行錄影或錄音，覺得二人怎樣一起生活？
