張繼聰撐老婆心中大贏家
藝人張繼聰昨日與陳凱琳（Grace）、劉佩玥、陳瀅、何雁詩等出席新劇《四個女仔三個BAR》宣傳，他指最難忘跟四女合作兼成為好友：「四個女仔可以無限復活，拍嗰時幾眼瞓都好，四個仍然好似明珠台咁一路講英文，佢哋可以自拍好耐。」
提到太太謝安琪（Kay）失落《勁歌》的「金曲金獎」，他稱正趕拍劇的Kay未有不開心，並冧爆道：「我心目中梗係金曲、最受歡迎獎全部頒晒畀佢啦，但每個頒獎禮都有其機制，我哋睇得好化。」又讚吳若希的《越難越愛》唱到街知巷聞，獲「金曲金獎」也是理所當然。
Grace表示要向前輩學戲：「黃智賢同鄭子誠背對白好犀利，又清晰又快，希望自己吸收到。」姚子羚則大爆跟曾航生拍吻戲，對方表現怕醜兼手震、流晒汗。