吳綺莉送亡友生感觸
吳綺莉夥拍有線藝人李潤庭主持節目《寵物ER》，昨日聯同嘉賓麥貝夷宣傳，吳綺莉帶同愛貓到場，囡囡卓林亦有陪同開工。談到家中寵物，本來有兩隻愛犬的吳綺莉感觸的說：「之前我將狗狗畀咗傅蕾蕾（名畫家傅抱石孫女，日前身故），依家等我平復心情，再睇吓點做。」
前晚吳綺莉現身殯儀館送別傅蕾蕾時，成龍亦出席攝影師陳國雄設靈儀式，她直認當時不知發生何事：「見到咁多記者以為大家去蕾蕾嗰邊。成件事太突然（指傅辭世），我識咗佢一年但大家成日見，依家要先調整自己情緒！（若見到成龍會點？）將來嘅嘢將來先算。（其實有冇撞過？）真係唔記得嘞。」而麥貝夷則透露早前收養了一隻患有腫瘤的貓。