渡海濠情：雙魚男人千依百順

好多囡囡都喜歡男朋友就晒自己，但每個人都有自己嘅性格，點會咁容易就人，但偏偏有朋友好喜歡就人，嚟自9號會所嘅來來就最清楚：「雙魚座嘅男朋友認真係千依百順，任勞任怨，但有時又嫌佢哋唔夠硬淨！」

令人失望

來來話：「我個人比較有主見，男朋友如果都同我一樣咁有主見，就盞日日鬧交，所以我會揀一啲比較就我嘅男性，憑我多年嘅拍拖經驗發現，原來雙魚座嘅男性，真係最聽話嘅男友，佢哋永遠唔會同你爭拗，就算明知女朋友嘅意見係錯嘅，有時佢哋都照樣跟住做，當齊齊撞板後，更永冇向女朋友投訴，話乜嘢『一早同你講咗啦！點解唔聽我講呢？』之類嘅晦氣說話，所以同佢哋一齊永遠唔會嗌交，但有一樣唔好，就係佢哋心腸太軟，所以除咗女朋友外，其他人都會攞佢着數，最多就係啲同事要佢幫手或者借錢，佢永遠唔會Say No，所以經常加班兼身無分文，最弊同佢出外時畀人蝦到上心口，佢都唔會出句聲，真係對佢好失望呀！」

該硬就硬

除咗心軟之外，仲有乜嘢地方都軟呢？來來話：「除咗心軟，有時連把口都軟，例如有同事問佢借錢，我都教咗佢應該點樣應對，但佢一定講唔番七成，人哋再拋佢兩拋，以友情要挾，佢又會乖乖就範，有幾多就借幾多，真係太過冇用啦！做人嘅宗旨更係以唔得罪人為本，你話咁善良嘅人，係咪成日都會畀人欺負呢？所以咪話唔擔心，至於你最想知道佢那話兒夠不夠硬？我唔怕話你知，佢哋心軟口軟手軟都好，那地方喺適當時候，絕對能夠硬起來，令我徹底享受到性愛嘅歡愉，但變化上就真係冇乜新意，來來去去都係嗰幾招，有時日子一久，就會覺得有啲悶，但勝在夠勤力，如果你食量大，就算佢哋幾攰都好，都會想辦法滿足你嘅需要，所以雙魚座嘅男朋友絕對識得過！」