邱子傑闔家歡 迎2015
名人邱子傑與太太李茂琪（Margaret）前晚齊齊出席除夕倒數派對，他們除了攜同女兒外，就連在外地讀書的兒子亦專程返港，舉家一同迎接2015年，共享天倫。
溥儀眼鏡店的老闆邱子傑與太太李茂琪及一對子女、扒女李依琳（Elaine）與父親李德麟、胞弟李浩森及胞弟女友、九巴後人雷兆光一家、孫大倫一家等前晚現身金鐘除夕派對，一同迎接新一年來臨。
外國讀書開心
Margaret表示新年願望是大家健康、開心，又透露在外國留學的兒子特別返港兩星期度聖誕。問到兒子是否習慣外國生活？她笑言：「應該係我開始習慣佢喺外國讀書，佢讀得好開心，佢好鍾意間學校。（囝囝農曆新年仲有冇假放？）冇，我冇所謂，最緊要聖誕節有假放，對我哋嚟講聖誕係大節。（你日日陪佢？）唔係，佢自己好多節目，又剪頭髮，又要見吓啲舊同學。」
林珊亭佗女B
Elaine則透露男友郭翰平（Conrad）因打籃球而腳部受傷，她說：「佢係香港籃球隊，之前打波受傷，傷及舊患，已經做咗兩次手術，仲要多五個星期先可以行到。」問到新年願望是否結婚？她笑着否認：「唔係。（男友求咗婚未？）未。」另外，腹大便便的孫大倫新抱林珊亭透露懷孕六個月，腹中塊肉是女嬰，直言心情非常開心、興奮。
文：名人組