張智霖等待時機解放「小Chilam」
「Cool魔」張智霖（Chilam）除夕夜剪短「三千煩惱絲」，望新一年頭痛可以快快走，高呼「我要Holiday」，又揚言願為好劇本獻出「小Chilam」。Chilam之後又夥拍蔡卓妍（阿Sa）與粉絲齊齊迎接2015年，更揚言期待徹底「開放」的機會。
張智霖前晚與助手十時左右現身中環某髮型屋門口外，期間被粉絲圍足十分鐘，不過Chilam仍然親切與粉絲合照。他又大講新年願望：「希望身體健康，依排成日頭痛，要減吓壓，我需要Holiday。」
隨後，Chilam再次與阿Sa、洪卓立、泳兒、鍾舒漫、鍾舒祺等等現身中環海濱摩天輪出席「csl螢接2015除夕倒數嘉年華」，一眾歌手大晒歌喉，更與觀眾齊齊倒數，將全場氣氛推至巔峰。
訪問時，講到阿Sa即將上映的新片《雛妓》意識大膽，Chilam表示超感興趣：「我對阿Sa同任達華嘅組合超有興趣，好有入場欲，不過我哋套《衝上雲霄》都好正。（睇三級片要唔要太太袁詠儀陪？）當然要啦，三級片係要家長陪同。」問到Chilam拍戲不會太激？Chilam笑說：「我OKo架，專業嘅演員係冇底線，都係等待徹底開放嘅機會。」Chilam更表示如果有好劇本，願意將「小Chilam」貢獻給銀幕。
阿Sa抽離有難度
至於在戲中有「激爆演技」的阿Sa就表示拍攝前未有向男友陳偉霆（William）備案，但在拍攝期間有一段時間情緒不穩：「因為當時每一日都喺度拍劇，休息嘅時間真係唔多，唔係咁快就抽離到，都維持咗好一段時間，連（經理人）Mani都問我使唔使去睇精神科。」阿Sa又講到幸好今次有朋友的支持，期間又與謝霆鋒去了西班牙散心，現在狀態已回復正常。另外，近期在內地爆紅的William前晚亦在內地出席跨年活動，更熱唱《女皇》。
文：音樂組
攝：鄭家俊